Verbit: pluskvamperfekti

1. Pane verbit pluskvamperfektah:
   1. Buabo omas elaijas (nähtä) hüviä dai pahua.
   2. Oravu (juoksendella) puun al, lumel nävüttih jället.
   3. Konzu lapsi havačui, tuatto jo (lähtie) kodih.
   4. Üöl (vihmuo) da kovah (tuulla).
   5. Pieni lindu (tartuo) verkoh.
   6. Kodiruavot (ruadua), konzu muamo tuli kodih.
   7. Peldoruavot (loppie) enne vihmoi.
   8. Velli ei tundenuh sizärdü, muga (kazvua).
   9. Petties (murendua) ikkunan silmän.
2. Imperfektu, perfektu libo pluskvamperfektu?
   1. Häi (soittua) sinule tänäpäi jo kaksi kerdua.
   2. Egläi muamo (ajua) Moskovah.
   3. Konzu Piiteri (perustua)?
   4. Kalevala (kiändiä) monele kielele.
   5. Hallot (pračkua) päčis.
   6. Minä (kävvä) Moskovah puaksuh.
   7. En tiijä, kunne tuatto (mennä).
   8. Viizivuodehizennu lapsi jo hüvin (lugie).
   9. Mennüt vuon (olla) lämmin talvi.
   10. Egläi (havaččuo) 7 aigah.
   11. Enne häi (eliä) täs linnas.
   12. Kus (opastuo) karjalan kieldü?
   13. Velli (hallata) hallot.
   14. Peldo (kündiä), konzu rubei vihmumah.
   15. Turki (ommella) lambahan nahkas.
   16. Piiteri (rakendua) suole.
   17. Kedä (vallita) ozaston johtajakse?
   18. Mintäh (ei tilata) lehtii?
3. Ozuta verbimuvvot:
   Anus oli vahnu 17. vuozisuan linnu. Konzu vuvvennu 1617 oli solmittu Stolbovan sobimus Ven'an da Ruočin välil, ruvettih nostamah linnoi, lujendamah Ven'an muan rajoi. Vuvvennu 1648 tsuari Aleksei Mihailovič käski löüdiä sijan linnah niškoi. Sih näh oli vallittu Rozdestvenskoin pogostu, kus ühtütäh Anus- da Magränjovet. Täs oli vai üksi viga - pogostu ei olluh puolistettu päivännouzuh päi. Müöhembi sinne kaivettih süvä oja. Vuvvennu 1668 Anuksen linnu paloi tukkunah.Uvvessah ruvettih kolkettamah kirvehet, i vuonnu 1671 jo oli nostettu uuzi Anus. Uvves linnas ei olluh keskiseiniä, pohjaine seinü da suvine eistettü lähembi Mägrän da Anusjogien rannoile. Seinät luajittih lujembakse da madalambakse. Endizes linnas oli 19 tornii, uvves vai 13. Puuhine Anus oli hüvä da čoma linnu sen aigazes Ven'an pohjazes muas.