Passiivan II partisiippu

Passiivan II partisiipan tunnukset ollah -ttu, -tty, -tu, -ty, -du, -dy.

Tunnukset -du, -dy liitytäh
- yksivardalohizien -ja, -jä, -va, -vä -loppuhizien verbilöin yksitavuhizeh vokalivardaloh:
  suaja (sua-): suadu
  jiäjä (jiä-): jiä-dy
  tuvva (tuo-): tuo-du
  syvvä (syö-): syö-dy
- kaksivardalohizien verbilöin olla, tulla, panna, mennä konsonantuvardaloh:
  olla (ole-, ol-): ol-du
  tulla (tule-, tul-): tul-du,
  panna (pane-, pan-): pan-du,
  mennä (mene-, men-): men-dy.
Tunnukset -ttu, -tty liitytäh yksivardalohizien verbilöin heikkoh vokalivardaloh. Vardalon loppuvokali -a, -ä vaihteleh -e:nke, toizin sanojen tapahtuu a-e, ä-e. Niilöis -ie -loppuhizis verbilöis, kudamis vardalon lopus on -e, passiivan II partisiipan tunnus liittyy -ie -muodoh:
kattua (kata-, katta-): kate-ttu
nostua (nosta-): noste-ttu
peittiä (peitä-, peittä-): peite-tty
heittiä (heitä-, heittä-): heite-tty
vediä (vie-, vedä-): vie-tty
kaččuo (kačo-, kaččo-): kačo-ttu
kuččuo (kuču-, kučču-): kuču-ttu
eččie (eči-, ečči-): eči-tty
lykkie (lyki-, lykki-): lyki-tty
ehtie (ehti-): ehti-tty
puskie (puske-): puskie-ttu
käskie (käske-): käskie-tty
lähtie (lähte-): lähtie-tty
Tunnukset -tu, -ty liitytäh kaksivardalohizien verbilöin konsonantuvardaloh:
mučkata (mučkua-, mučkat-): mučkat-tu
lykätä (lykkiä-, lykät-): lykät-ty
pakita (pakiče-, pakičče-, pakit-): pakit-tu
juosta (juokse-, juos-): juos-tu
viertä (viere-, vier-) : vier-ty
sanella (sanele-, sanel-): sanel-tu
kävellä (kävele-, kävel-): kävel-ty
kyzellä (kyzele-, kyzel-): kyzel-ty

Passiivan II partisiippu taibuu sijois da luvus:

Nominatiivu	kirjutettu kirjaine	kirjutetut kirjazet
Genetiivu	kirjutetun kirjazen	kirjutettuloin kirjazien
Akkuzatiivu	kirjutetun kirjazen	kirjutetut kirjazet
Partitiivu	kirjutettuu kirjastu	kirjutettuloi kirjazii
Essiivu	kirjutetunnu kirjazennu	kirjutettuloinnu kirjazinnu
Translatiivu	kirjutetukse kirjazekse	kirjutettuloikse kirjazikse
Inessiivu	kiijutetus kirjazes	kirjutettulois kirjazis
Elatiivu	kirjutetus kirjazespäi	kirjutettulois kirjazispäi
Illatiivu	kirjutettuh kirjazeh	kirjulettuloih kirjazih
Adessiivu	kirjutetul kirjazel	kirjutettuloil kirjazil
Ablatiivu	kirjutetul kirjazelpäi	kirjutettuloil kirjazilpäi
Allatiivu	kirjutetule kirjazele	kirjutettuloile kirjazile
Abessiivu	kirjutetuttah kirjazettah	kirjutettuloittah kirjazittah
Komitatiivu	kirjutetunke kirjazenke	kirjutettuloinke kirjuzienke
Prolatiivu	kirjutetuči kirjazeči	kirjutettuloiči kirjaziči
Instruktiivu		kirjulettuloin kirjazin

Passiivan II partisiippua käytetäh:

perfektan da pluskvamperfektan luajindan monikon kolmandes persounas:
Ruadajat ollah tuldu kodih jo myöhä illal.
Sammalikol ollah muattu hirvet.
Hyö ollah lähtietty järilleh.
Tytöt oldih kuuldu koirien haukundu.
Miehet oldih piästy joves poikki lautal.
Silloi täs kyläs vie oldih eletty rahvas.
Verkot on nostettu kuivamah arrole.
Kalat oli pandu ahavumah.
Hyö ei lähtietty meijänke.
Ilmoittamah piättynytty, loppuh suaduu teguo:
Pestyle lattiele pidäy oijendua matot.
Hyvin opastetus ristikanzas roih hyvä spesialistu.
Pyvvetyt kalat myö hedi puhkaimmo da suolaimmo.
Pellon tagan kerätyt vagoit oldih ylen karjat da magiet.
Tytön myö työnnimmö školah vaste ostettulois sovis.
Ilmoittamah ruandua, kudaman jälgeh tapahtuu piäverbin tego:
Murginan syödyy lähtemmö järvele.
Sanan sanottuu älä rubie käzii huškuttamah.
Ruadoloin ruattuu juoksemmo kezoile.