Verbin aigumuvvot
Verbi voi merkitä eri aigah tapahtujua teguo:
-
ruanduo libo toimindua, kudai tapahtuu parahite nygöi:
Tyttö lugou kniigua. Myö kirjutammo saneluu. Lapset kabrastetah
pihua. Brihačut pihal kižatah jalgumiäččyh.
-
ruandua libo toimindua, kudai on jo tapahtunnuh:
Tyttö lugi kniigan. Myö kirjutimmo sanelun. Lapset kabrastettih
piha. Brihačut pihal kižattih jalgumiäččyh.
-
ruandua libo toimindua, kudai konzutah on olluh:
Tyttö on lugenuh kniigua. Myö olemmo kirjutannuh saneluu.
Lapset ollah kabrastettu pihua. Brihačut pihal ollah kižattu
jalgumiäččyh.
-
ruandua, kudai oli tapahtunnuh konzutah ammui:
Tyttö oli lugenuh kniigua. Myö olimmo kirjutannuh saneluu.
Lapset oldih kabrastettu pihua. Brihačut pihal oldih kižattu.
jalgumiäččyh.
-
ruandua libo toimindua, kudai tapahtuu konzutah ielpäi:
Tyttö rubieu lugemah kniigua. Myö rubiemmo kirjutamah saneluu.
Lapset ruvetah kabrastamah pihua. Brihačut pihal ruvetah kižuamah
jalgumiäččyh.
Sih niškoi verbilöi käytetäh eri aijois.
On olemas 5 aigua: preezensu (nygyaigu), imperfektu (mennyhaigu),
perfektu (ielmennyhaigu), pluskvamperfektu (ammuinaigu), futurum
(iellinaigu).