Kui menöy ruado?

• Karjalaine taloi
  Vuvvennu 1996 školas avavui muzei "Karjalaine taloi". Talois on senčoi da pertti. Kai vešit on kerätty Kotkatjärves da ymbäri olijois hierulois. "Karjalan talois" on ozutettu XIX vuozisuan elos. Muzeis pietäh urokkoi, pruazniekkoi. Opastetah lapsile istouriedu, literatuurua, karjalan kieldy. Mielen kiinittäjät on tiijot omas kodirannas, omis juuris, tavois, perindölöis, karjalan rahvahan uskolois da elokses
  
  
• Leiri "Livvin Linduzet"
  Algoi oman ruavon v.1997. Lapset leiris paistah karjalakse, opastutah pajattamah karjalazii pajoloi, pietäh bes'odoi vahnembienke. Ajellah toizih hieruloih, kerätäh oman rannan nimilöi da fol'klourumateriualoi da kävväh kaččomah pyhii kohtii
  
  
• Karjalan kielen kluassu
  Tiä voit löydiä kaikenjyttymiä kniigua opastundah näh. Tiä mennäh urokat da voit pidiä pruazniekkoi
  
  
• Karjalaine perti
  Täs opastutah keittämäh da pastamah karjalan kanzan syömizii da pastoksii. Vastatah gostii karjalan kielel.
  
  
• TV-radio-stuudii
  Zavodii ruadua vuvvennu 1995. On kerätty suuri arhiivu audio- da videokasiettua karjalan kielel. Löydyy materiualua kaikenjyttymih ainehih näh.
  
  
• Etnokul'tuurine keskus
  On perustettu karjalan kielen elvyttämizeh, kehittämizeh, nouzendah da kazvandah näh. Kui säilyttiä Kotkatjärven murdeh da oman kodirannan tavat, uskot, perindöt. Kui nostua karjalan rahvahan kul'tuuru vahnas karjalazes hierus Kotkatjärvi. Kui opastua pagizemah karjalakse nuori polvi
  
  
• Karjalankielen lehti
  Tietokonehen avul lapset opastutah luadimah lehtii kahtel kielel. Yhteltiedy lapset opitah karjalan kieldy da tiijustetah oman rahvahan istouriedu.
  
  
• Matkat Karjalas da Suomes
  Matku Kižin suarele.
  Matkat Suomeh.
  Matkat pyhih kohtih da ymbäri Kotkatjärves olijoih pienih hieruloih.