Aktiivan II partisiippu
Aktiivan II partisiippu ilmoittau tapahtunuttu teguo libo ruandua.
Aktiivan II partisiippu on ylen tärgei verbimuodo sendäh, ku sidä käytetäh
verbilöin perfektan da pluskvamperfektan luajindah.
Aktiivan II partisiipan tunnukset ollah -nuh, -nyh, -nnuh, -nnyh,
(oblikvusijois -nuo, -nyö, -nnuo, -nnyö;
partitiivas -nut, -nyt, -nnut, -nnyt;
monikos -nuz, -nyz, -nnuz, -nnyz).
Yksivardalohizis verbilöis
-
yksitavuhizis verbilöis tunnus on -nnuh, -nnyh:
syvvä (syö-): syö-nnyh
-
kaksitavuhizis verbilöis
tunnus -nuh, -nyh liittyy lujah vokalivardaloh:
andua (anna-, anda-): anda-nuh
-
monitavuhizis verbilöis tunnus -nnuh, -nnyh
liittyy heikkoh vokalivardaloh: kehittiä (kehitä-, kehittä): kehitä-nnyh
Kaksivardalohizis verbilöis tunnus -nuh, -nyh
liittyy konsonantuvardaloh, ga erähiči tapahtuu assimil'atsii:
-
Progressiivine assimit'atsii tapahtuu
-lla, -llä, -rta, -rtä, -sta, -stä -loppuhizis verbilöis:
tulla (tule-, tul-): tul + nuh = tulluh
kävellä (kävele-, kyvel-): kävel + nyh = kävellyh
purta (pure-, pur-): pur + nuh = purruh
viertyä (viere-, vier-): vier + nyh = vierryh
pestä (peze-, pes-): pes + nyh = pessyh
nosta (nouze-, nos-): nos + nuh = nossuh
ravista (ravize-, ravis-): ravis + nuh = ravissuh
piästä (piäze-, piäs-): piäs + nyh = piyssyh
-
Regressiivine assimil'atsii tapahtuu -ata, -ätä, -eta, -etä,
-ita, -itä, -ota, -ötä, -uta -loppuhizis verbilöis.
ukata (ukkua-, ukal-): ukat + nuh = ukannuh
vastata (vastua-, vastat-): vastat + nuh = vastannuh
sevätä (sebiä-, sevät-): sevät + nyh = sevännyh
pajeta (pagene-, pajet-): pajet + nuh = pajennuh
lähetä (lähene-, lähet-): lähet + nyh = lähennyh
pakita (pakiče-, pakičče-, pakit-): pakit + nuh = pakinnuh
hävitä (hävie-, hävit-): hävit + nyh = hävinnyh
kavota (kaduo-, kavot-): kavot + nuh = kavonnuh
lädžötä (lädžyö-, lädžöt-): lädžöt + nyh = lädžönnyh
tukuta (tukkuo-, tukut-): tukut + nuh = tukunnuh
Aktiivan II partisiippu taibuu sijois da luvus.
Taivutammo sana kavonnuh yksikös da monikos
| yksikkö | monikko |
| Nominatiivu | kavonnuh | kavonnuot |
| Genetiivu | kavonnuon | kavonnuzien |
| Akkuzatiivu | kavonnuon | kavonnuot |
| Partitiivu | kavonnuttu | kavonnuzii |
| Essiivu | kavonnuonnu | kavonnuzinnu |
| Translatiivu | kavonnuokse | kavonnuzikse |
| Inessiivu | kavonnuos | kavonnuzis |
| Elatiivu | kavonnuospäi | kavonnuzispäi |
| Illatiivu | kavonnuoh | kavonnuzih |
| Adessiivu | kavonnuol | kavonnuzil |
| Ablatiivu | kavonnuolpäi | kavonnuzilpäi |
| Allatiivu | kavonnuole | kavonnuzile |
| Abessiivu | kavonnuottah | kavonnuzittah |
| Komitatiivu | kavonnuonke | kavonnuzienke |
| Prolatiivu | kavonnuoči | kavonnuziči |
| Instruktiivu | | kavonnuzin |