III infinitiivu
III infinitiivan tunnus on -ma, -mä, kudai liittyy verbin
(lujah) vokalivardaloh:
III infinitiivu = vardalo + ma/mä + sijapiäteh
III infinitiivua käytetäh kuvves sijamuvvos:
inessiivas: osta-ma-s, keittä-mä-s, katkua-ma-s, lykkiä-mä-s, pane-ma-s;
elatiivas: osta-ma-späi, keittä-mä-späi, katkua-ma-späi, lykkiä-mä-späi, pane-ma-späi;
illatiivas: osta-ma-h, keittä-mä-h, katkua-ma-h, lykkiä-mä-h, pane-ma-h;
adessiivas: osta-ma-l, keittä-mä-l, katkua-ma-l, lykkiä-mä-l, pane-ma-l;
abessiivas: osta-ma-ttah, keittä-mä-ttäh, katkua-ma-ttah, lykkiä-mä-ttäh, pane-ma-ttah;
partitiivas: osta-mu-a, keittä-mi-ä, katkua-mu-a, lykkiä-mi-ä, pane-mu-a.
-
Inessiivumuodo merkiččöu teguo, kudamua kentah libo mitah
on ruadamas. Tädä muoduo käytetäh puaksuh:
Lapset ollah školas opastumas.
Muamo on järvel sobii huuhtomas.
Tuatto joga päiviä kävelöy ongittamas.
Minä olin jo menemäs muate, konzu pärähtih telefon.
Päiväine on laskemas.
-
Elatiivimuodo merkiččöy teguo, kudamas erotah:
Kuču heijät iäre kezoidu kylbemäspäi.
Karkottua kanat vagoloi šingomas.
Piästä velloin maksamas.
Nostattua tyttö maguamas.
-
Illatiivumuodo merkiččöy teguo, kudamah kentah libo mitah tartuu.
Tädä muoduo käytetäh puaksuh:
-
liikunduverbilöinke: mennä, tulla, lähtie, istuokseh, kerävyö,
juosta, siirdyö, piästä i m.i.: Mennä ostamah, pezemäh, keriämäh,
auttamah,...
Tulla sanomah, kaččomah, niittämäh, lugemah, ...
Lähtie opastumah hiihtelemäh, ongittamah, eččimäh, ...
Istuokseh kirjuttamah, syömäh, ombelemah, nieglomah, ...
Kerävyö pajattamah, kižuamah, tansuimah, pagizemah, ...
Juosta kaččomah, kuččumah, kirgumah, vastuamah, ...
Siirdyö kuundelemah, lämbiemäh, huogavumah, ...
Piästä ruadamah, elämäh, ihalmoimah, myömäh, ...
-
mintah algamistu merkiččijöin verbilöinke: ruveta,
sellitä i m.i.:
Ruveta lugemah, kirjuttamah, syömäh, opastumah, ...
Šuorita ruadamah, kižuamah, soittamah, pajattamah, ...
Sellitä niittämäh, puimah, kaivamah, halguamah, ...
-
käskyverbilöinke: käskie, kehoittua, opastua, ohjata, nevvuo,
miärätä, pakoittua i m.i.
Käskie lugemah, kehoittua opastumah, ohjata auttamah,
nevvuo ruadamah, miärätä kabrastamah, pakoittua kirjuttamah, ...
-
verbilöinke ehtie, jouduo, sattuo:
Ehtie nägemäh, jouduo vuottamah, sattuo olemah, ...
-
sanayhtymis substantiivoinke da adjektiivoinke:
Muasteri vestämäh, hyvä sanelemah, kirkei ruadamah, valmis auttamah,
otačču opastumah.
-
Adessiivumuodo merkiččöy ruandan keinuo, tabua:
Kodih piäzimmö astumal.
Sivuloi liečitäh hieromal.
Kieleh opastutah pagizemal.
-
Abessiivumuodo merkiččöy tapahtumattomua teguo:
Kirjaine jäi kirjuttamattah.
Peldo jo kaksi vuottu on kiändämättäh.
Kniigu on jiännyh lugemattah.
Lähti iäre sanua sanomattah.
Sienet ollah vie keriämättäh.
Kogo päivy meni syomättäh.
-
Partitiivumuoduo käytetäh harvah. Se merkiččöy tevon tulostu
libo tarkoitustu:
Pezemiä rodih loukko sukkah.
Keittämiä pada musteni.
Sovan ostamua toi dengat.