Preezensu (Nygyaigu)

Preezensu merkiččöy nygöi tapahtujua teguo: Preezensal ei ole omua tunnustu. Preezensas persounupiäteh liittyy kohti vardaloh.

Taivutammo verbit maltua (malta-), ellendiä (ellendä-) preezensas:

preezensan yksikön 3:ndes persounas vardalon loppuvokali -e ainos vaihteleh o/ö:nke, toizin sanojen, tapahtuu vokalivaihtelu e-o, e-ö. Verdaile: tule-n, tulo-u; mene-n, menö-y.
preezensan monikon 3:nden persounan vardalo on erilaine. Monikon 3:nden persounan vardalon lopus voi olla -ta, -tä, -va, -vä, -ja, -jä, -la, -lä, -na, -nä: kačota-h, hypätä-h, tuvva-h, syvvä-h, suaja-h, jiäjä-h, tulla-h, kävellä-h, panna-h, mennä-h.

Preezensan kieldomuodo

Preezensan kieldomuvvos taibuu kieldosana ei. Piäverbis käytetäh vaiku vardaluo, kudai ei muutu taivunajes: yksikkö

Preezensua käytetäh, konzu ilmoitetah

teguo libo seikkua, kudai tapahtuu ihan nygöi, paginan aigua: Minä kuundelen muuzikkua. Midäbo sinä ruat? Lapsi maguau. Myö luvemmo kniigua. Brihačut juoksendellah pihal.
teguo libo šeikkua, kudai tapahtuu puaksuh libo moneh kerdah: Häi ajelou suveh joga vuottu. Kezäl minä kävyn kezoile joga päiviä. Buabo juou čuajuu monen kerdua päiväs. Nuorižo pyhinpäivin menöy diskotiekkah. Myö lebopäivin kävymmö tiijustamah buabua da died'oidu.
teguo libo seikkua, kudai tapahtuu ainos: Talvizin sih kyläh umbuau kai tiet. Sygyzyl rahvas kerätäh muarjua da siendy talvekse. Korves kazvau must'oidu. Hukku eläy mečäs. Tuohes luajitah kaikenualastu vehkehty. Karjalazet paistah karjalakse.
teguo libo šeikkua, kudai tapahtuu myöhembäh paginua: Huomei meijän luokku lähtöy teatrah. Vuvven peräs minun velli loppou školan. Suovattan myö lämmitämmö kylyn. Minä tulen toiči. Kodvazen huogavuhuu myö jatkammo matkua.

Olla-verbin taivutus: