Karjalan kielen kodi Vieljärveh?

[mp]

Minunke piäzöy 3

[Olói]

Voizimmo pidie subotniekan, kudamale tulizi opastajat.net:n kirjuttajat/lugijat. Kinnermäl pidänennö karjalankielize teatrufestivualin kezäkuun lopus. olizigo hyvä ideju yhtistiä subotniekan da festivualin?

[Pedrunnybly]

Oh, pidäs vie yhtistiä karjalan kursat Kotkatjärves, teatrufestivuali da subotniekku! Kursat ollah 30.6.-6.7.2013.

[Olói]

festivualin tahtotah pidie 29.6. Ettögo työ voizi tulla kursien opastujien kel nedälil subotniekale? Libo voizimmo pidie subotniekan 28.6

[Pedrunnybly]

MP, minun jyttymii syndyy 4!

[Pedrunnybly]

Duumaičen kursuniekat ei kaikin tahtota subotniekale, a festivualih tulendu on hyvä ideju. Pagizin Karjalan Liiton ruadain Saija Pelvaksenke, i häi uskaldi duumaija voimmogo ezmäi ajua festivualih. Olói, häi zvonii libo työndäy sinule e-postuo.
Kuibo sanotto, kursuniekat, tahtozittogo festivualih da sen jälles kursal?

[Pekoi]

Taki ruatto vie aijombi keviäl? Smietin,ku pakiccemah lähten midätahto materjualua nämil Jovensuun bohatoil bariššiekoil,pidäy olla moine "rekluamubumuagu" mis ozutetah mi,kus,ket da mih dieloh nenii tarvitah.
Minuu tiettäväine ei uskota,duumaijah Pekoi-kehno omih pluanoih kai mättäy.

[Olói]

Pyhänpiän piimmö Kinnermäl uvven Karjalan kielen kodi-yhtistyksen vastavundan. Uuzi yhtistys nygöi on registriiruttu! Pagizimmo subotniekois. Vieljärven rahvas pidäy subotniekkoi täs kuus, tulii subotniekku on 14.4 12.00:n aigah. Oraskuus Ouluspäi da Seinäjvespäi tulou opastujii Karjalan kielen kodie kohendamah yhtes Vieljärven rahvahan kel. Ice olen sie ruadamas 6.-24.5. Terveh tulgua!

[mp]

Subotniekas 14.4.2013 oli enimilläh 20 rahvastu, nuordu da vahnua. Ruavonnu oli kabrastua da riiččie suuren zualan latettu, ku opastujat da muasterit piästäs kaččomah pohjuparzien da fundamentan kunduo. Rubien valliččemah fotokuvii KKK:n kodisivuloil ozutettavakse.

P.S. Voibi kaččuo ozuttehes http://www.karjalankielenkodi.net/kodi/albom13.html

[Olói]

Ylen hyvät fotokuvat, suuret passibot niilöis! Muitegi saitu on ylen hyvä